| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 7.41 | Dem. 7.45 (English) | >>Dem. 8.1 |
7.43καὶ τοῦτό γʼ ἀληθῆ λέγουσιν · ἔγραψε γάρ , καὶ ἐμοῦ γʼ αὐτὸν γραψαμένου παρανόμων γραφὴν ὑμεῖς ἀπεψηφίσασθε · τοιγάρτοι ἀμφισβητήσιμον ὑμῖν τὴν χώραν κατεσκεύακεν . ὁπότε δὲ περὶ τούτου τολμήσετε πρὸς Καρδιανοὺς διαδικάζεσθαι , εἴθʼ ὑμετέρα ἐστὶν εἴτʼ ἐκείνων ἡ χώρα , διὰ τί οὐ καὶ πρὸς τοὺς ἄλλους Χερρονησίτας τὸ αὐτὸ δίκαιον ἔσται ;
7.44καὶ οὕτως ὑβριστικῶς ὑμῖν κέχρηται ὥστε φήσιν , ἂν μὴ θέλωσι διαδικάζεσθαι οἱ Καρδιανοί , αὐτὸς ἀναγκάσειν , ὡς ὑμῶν γʼ οὐκ ἂν δυναμένων οὐδὲν ἀναγκάσαι Καρδιανοὺς ὑμῖν ποιῆσαι · ἐπειδὴ δʼ ὑμεῖς οὐ δύνασθε , αὐτός φησι τοῦτʼ ἀναγκάσειν αὐτοὺς ποιῆσαι . ἆρʼ οὐ μεγάλα φαίνεται ὑμᾶς εὐεργετῶν ;
7.45καὶ ταύτην τὴν ἐπιστολήν τινες εὖ ἔφασαν γεγράφθαι , οἳ πολὺ ἂν δικαιότερον ὑφʼ ὑμῶν ἢ Φίλιππος μισοῖντο . ἐκεῖνος μέν γʼ ἑαυτῷ κτώμενος δόξαν καὶ μεγάλʼ ἀγαθὰ ἅπαντα καθʼ ὑμῶν πράττει · ὅσοι δʼ Ἀθηναῖοι ὄντες μὴ τῇ πατρίδι , ἀλλὰ Φιλίππῳ εὔνοιαν ἐνδείκνυνται , προσήκει αὐτοὺς ὑφʼ ὑμῶν κακοὺς κακῶς ἀπολωλέναι , εἴπερ ὑμεῖς τὸν ἐγκέφαλον ἐν τοῖς κροτάφοις καὶ μὴ ἐν ταῖς πτέρναις καταπεπατημένον φορεῖτε .
ὑπόλοιπόν μοί ἐστιν ἔτι πρὸς ταύτην τὴν ἐπιστολὴν τὴν εὖ ἔχουσαν καὶ τοὺς λόγους τῶν πρέσβεων γράψαι τὴν ἀπόκρισιν , ἣν ἡγοῦμαι δικαίαν τʼ εἶναι καὶ συμφέρουσαν ὑμῖν .
7.46
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 7.41 | Dem. 7.45 (English) | >>Dem. 8.1 |
